በድምፃዊው የተከፈተ ዘመቻ
በተወዳጁ ድምፃዊ አበበ ተካ ዙሪያ በሰይፉ ፋንታሁንና አለምነህ ዋሴ የተቀናበረ ዘመቻ ተከፍቶበል። እነዚህ የበግ ለምድ የለበሱ ግለሰቦች በተለይ ሰይፉ ከዚህ ቀደም በቴዲ አፍሮ፣ እንዲሁም በቅርቡ በጥላሁን እልፍነህና (በሽተኛ በማድረግ) ሌሎች ህይወት ጣልቃ እየገቡ ጥላሸት ለመቀባትና ከህዝብ ለመነጠል ያልቆፈሩት ጉድጓድ እንዳልነበረ በግልፅ አይተናል። የለመዱትን የጥፋት ሾተላቸውን በድምፃዊ አበበ ተካ ላይ መዘዋል። አበበ ተካ “ሃገሬ እናቴ” የሚል ነጠላ ዜማ ከለቀቀ በኋላ ለየት ያለ አልበም እያዘጋጀ ባለበት ወቅት በቃለምልልስ ሽፋን የቀረበው ሰይፉ ፋንታሁን እጅግ አስነዋሪ በደልና ክህደት ፈፅሞበታል። ..በቅርቡ አበበ ተካ እጅግ ከሚያፈቅራትና የሶስት ልጆቹ እናት ከሆነችው እታገኝ ሙላው ጋር አለመግባባት ይፈጠራል። የተፈጠረውን ድምፃዊው ለሰይፉ ይነግረዋል፤ ጉዳዩ ወደ ፍ/ቤት እንዳመራና የፊታችን ሰኞ አበበ በችሎት እንደሚቀርብ ጭምር ይነግረዋል።
ሰይፉ ይህን መረጃ ለነአለምነህ ዋሴ አሳልፎ በመስጠት በማህበራዊ ድረገፆች ጭምር እንዲወጣ ያደርጋል። (ምናልባትም በራዲዮ ተናግረውት ይሆናል) እጅግ አስነዋሪ ነው!..ከወራቶች በፊት ስለአበበ የፍቅር ህይወት የተመለከተ ዘገባ አቅርቤ ነበር። ኢሳትን (ሜዳ ዝግጅት) ጨምሮ የተለያዩ ሚዲያዎችና ድረገፆች ዘገባውን አቅርበው ነበር። ሰይፉና አለምነህ ስለዚህ ሳይናገሩ ከርመው ነገር ግን ያልተደረገውን ነገር ገልብጠው በድምፃዊው ህይወትና ቤተሰብ ዙሪያ አፍራሽ ዘመቻ መክፈታቸው ያሳፍራል። ይህም ብቻ አይደለም፤ በወቅቱ የወጣውን የሁለቱን ፍቅረኞች ፎቶ እነአለምነህ ዛሬ ለአፍራሽ አላማቸው መጠቀማቸው የበለጠ ያሳዝናል። ስለጉዳዩ ለማጣራት ሞክሪያለሁ፤ ነገር ግን አበበ ለጊዜው ስለዝርዝሩ ምንም ማለት አይፈልግም። ሰይፉ ፋንታሁን ምን ተልእኮ እንዳለው ግራ ያጋባል። መናገር የሚቻለው ድምፃዊውን ከህዝብ ለመነጠልና ሞራሉን ለመንካት የሚደረግ መሆኑን ነው። በዚህ አጋጣሚ እነሰይፉ ያሉት ከእውነት የራቀ መሆኑ ሊታወቅ ይገባል:: አበበ ሁሌም «የሰማዩ አባቴ ነው የሚጠብቀኝ!!» እንደሚል አስታውሳለሁ። ስለተፈጠረው ሁኔታ አበበ ምንም መናገር አልፈቀደም፤ ጉዳዩ በፍ/ቤት የተያዘ በመሆኑ። የኢትዮጵያ ህዝብ በፀሎት እንዲያስበው ግን በአክብሮትና ፍቅር ይጠይቃል!