ከሰው አንጀት “የተከረረ” ክራር

መዝገቡ ሊበን (ሚነሶታ)
segel143@gmail.com

ተረቱ ድሮ ድሮ “ከጅብ ቆዳ የተሰራ ክራር ሲመቱት እንብላው እንብላው ይላል” ነበር። ለተረት ካልሆነ በቀር የጅብ ቆዳ የምር ለክራር ተሰርቶ የሚያውቅ አይመስለኝም። የክራር ክር የተከረረው ከፍየል ቆዳ እና አንጀት ሲሆን አግባብ ነው፣ የሚያወጣውም ድምጽ ድንቅ ነው፤ እናም መደዴው (የፍየል አንጀት ሳይገኝ ሲቀር የተለመደው) ሲባጎ የሚያወጣውን ድምፅ ያስንቃል። የክራር ክሩ የተሰራው ከሰው አንጀት ሲሆንስ? አንዳንዱ ሰው ጨካኝ ነው—ከሰው አንጀት የክራር ክር ያከራል። ከሰው አንጀት የተከረረው የክራር ክር ያነሆልላል—በትዝታ። ለስነ-ጥበብ ሲሆን የክራር ክርም ከሰው አንጀት ይከረራል።
ከጥቂት ወራት በፊት በስራ ጉዳይ ከተዋወቅኋት አንዲት ልጅ ጋር ስለ ሙዚቃ እያወራን ድንገት የአንዱን ድምጻዊ ስም አነሳችልኝ። የሙሉቀንን ዘፈኖች አሳምሮ እንደሚጫወት ነግራኝ፣ የራሱ የሆኑትን አንድ ሁለቱን ዜማዎቹንም ለማስታወስ በሚል በራሷ ድምጽ አስኬደችው። ድምጿ ለክፉ ባይሰጥም፣ የዘፋኙ ማንነት አልመጣልኝም። ዜማን እና የዘፈን ግጥምን የሚያጣጥም የሰላ ጆሮ ያለኝ ይመስለኛል። ያንዳንዱ ሰው ድምፅ፣ እንኳን ለዘፈን ለለቅሶም አይመች።

የኔ ድምፅ ለክፉ አይሰጥም ነበር። ልጅ ሆኜ ሰፈር ውስጥ የሆያ ሆዬ ዘፈን ድምፅ አውጪነት ይመርጡኝ እንደነበር ስነግራት፣ የሷን ድምፅ ሳላደንቅ ስለ ራሴ ጥሩ ድምፃዊነት ስላነሳሁባት ተናዳ ነው መሰለኝ ምላሽ ሳትሰጠኝ፣ ኮምፒውተሯ ውስጥ ጎርጉራ አውጥታ የድምጻዊውን ዘፈን አሰማችኝ። ለመጀመሪያ ጊዜ ስሰማው፣ እንዴት እስካሁን እንዳልሰማሁት ነበር የገረመኝ። ለሁለተኛ እና ሶስተኛ ጊዜ ስሰማው ደግሞ፣ ይህን ዘፈን እስካሁን “enjoy” አለማድረጌ ይቆጨኝ ጀመር። የማያውቁት አገር ይናፍቃል እንዴ?

ሙሉውን ለማንበብ እዚህ ይጫኑ