መንግስት የቴዲ አፍሮን ኮንሰርት ቢከለክልም ኢትዮጵያውያን በፌስቡክ ኮንሰርቱን ሊያደርጉት ነው

የአዲስ አመት ዋዜማ የቴዲ አፍሮ ዘፈኖችን በፌስቡክ ሁሉም ሰው ሼር እንዲያደርግ ተጠይቋል

ድምጻዊ ቴዎድሮስ ካሳሁን (ቴዲ አፍሮ) ለኢትዮጵአ አዲስ ዓመት ዋዜማ ሊያቀርብ የነበረውን ኮንሰርቱን በአገዛዙ ባለስልታናት የቀጥታና የተዘዋዋሪ ቻና እንዳአካሂድ መደረጉን ተከትሎ በሚሊኦን የሚቆጠሩ አድናቂዎቹ ከአገር ውስጥና ከውጪ በዕለቱ የዋዜማውን ምሽት በቴዲ ሙዚቃዎች በቀጥታ ለማሳለፍና ለድምጻዊው፣ለፍቅር ያላቸውን ድጋፍ ለስርኣቱ አፈና ቦታ እንደማይሰጡ ለማሳት የተለያዩ ወጣቶች በማህበራዊ ሚዲያው ጥሪ አቀረቡ።

ያልተደራጁ ነገር ግን በየበኩላቸው በሚያቀርቡት ጥሪ የበዓሉን ዋዜማ በአካል የተከለከለውን ኮንሰርት በማህበራዊ ሚዲያው በስፋት በጋራ ሚዚቃዎቹን በማዳመጥ የቀጥታ ስርጭት በኢትዮጵያ ሰዓት አቆጣጠር አርብ ከምሽቱ ሁለት ሰዓት ጀምሮ እንዲሆን ጥሪ እያደረጉ ሲሆን ድምጻዊ ቴዲ አፍሮም መረጃው ደርሶት የቀጥታ ስርጭት እንዲከታተል በየገጻቸው ጥሪ አቅርበዋል።

<<ቴዲ አፍሮን ያለስፖንሰር ~ አርብ ምሽት!>> በሚል ከአድናቂዎቹ አንዱ በማህበራዊ ሚዲያው ከአገር ቤት በመጻፍ ከሚጠቀሱት የትነበርክ ታደለ የተጀመረው ጥሪ ብዙዎችን አስከትሎ የቴዲ አፍሮ የበዓል ዋዜማ የሙዚቃ ዝግጅት በሶሻል ሚዲያው በአገር ቤት ያለ ስፖንሰር በፍቅር ስለ ፍቅር እየቴዜመ የአገርና የወገን ተቆርቋነት የሚያደርሰውን አፈና አልፎ ስርጭቱ ያለ ከልካይ ይቀርባል የሚለው የማህበራዊ ሚዲያው ጥሪ እየተስፋፋ ነው።

ለአርብ ምሽት የቴዲ አፍሮ የማህበራዊ ሚዲያው ኮንሰርት መነሻ የሆነውን የትነበርክ ታደለ ከአገር ቤት ያቀረበውን ጥሪ ሙሉውን ተከትሎ ቀርቧል።
ቴዲ አፍሮን ያለስፖንሰር ~ አርብ ምሽት! (የትነበርክ ታደለ) ከልጅነታችንም በምንወደው ነገር እያስፈራሩን ነው ያሳደጉን! የኛ የምንለውን እየነጠቁን “አርፈህ ቁጭ በል! ያለዝያ አታገኛትም!” እያሉ አሳደጉን። ይሄው አድገንም አልቀረልንም። ለቴዲ አፍሮ የሰጠነው ፍቅር ከነሱ ላይ የቀነስነውን መስሏቸው ወሰዱት! ነጠቁን!

ለበአል ዋዜማ ሰብሰብ ብለን የሆድ የሆዳችንን እያወጋን (እየዘመርን~እየዘፈን~እየጨፈርን) አዲሱን አመት እንዳንቀበል አንዴ ስፖንሰሮችን ሲገላምጡ አንዴም ፈቃድ ሲከለክሉ ይሄው ህዝብ የወደደውን ይህን ሰው “ቤትህ ተከተት!” ተብሎ ትእዛዝ ወጣበት።

እኔ በጣም ግርም ይለኛል! አሁን አፍሪካ “ጭለማ” ትባል? ምን በወጣትና? የትኛው የአፍሪካ ሀገር ነው አንድን ዘፋኝ እግር ለእግር እየተከታተለ፣ አመት ካመት ሳይሰለች መከራ የሚያበላ? የቱ ሀገር ነው አንድን ዘፋኝ በህዝብ ፊት ዘፈኑን እንዳያቀርብ እንቅፋት የሚሆን? ጨለማ? ሆ!ሆ!

ስንት በዝሙት የረከሱ፣ በሀሺሽ የደነዘዙ፣ በወንጀል የተጨማለቁ ዘፋኞች እንኳ ይህን ያህል ፈተና ሲደርስባቸው አላየንም። እንኳን ቴዎድሮስ ካሳሁን ግርማሞ…..ከልጅ እስከ አዋቂ የሚያሸረግድለት፣ የልብን ሚስጥር ነጋሪ፣ ችግርን ተጋሪ እንቁ የህዝብ ልጅ ቀርቶ…..

….እኔ ቴዲን ለማንቆለጳጰስ ምንም አቅም የለኝም። እሱም የሚፈልገው አይመስለኝም።

..እና…… ለማንኛውም ለእንቁጣጣሽ ዋዜማ ከምሽቱ ሁለት ሰአት ጀምሮ በዘ-ሐበሻ እና በሕብር ራድዮ ፌስ ቡክ ገጻችን ላይ የቴዲ አፍሮን ሙዚቃዎች በተለያዩ ዝግጅቶች አስውበን ለማቅረብ ዝግጅት ላይ ነን::

የቴዲ አፍሮ የአዲስ ዓመት ዋዜማ ኮንሰርት